Kонфузијата околу стиловите

Аргентинците знаат дека во основа постојат само два стила на танго. Тука е поекстравагантната верзија која ја користат изведувачите и ја викаат “танго есценарио“ или “танго фантазија“ (сценско танго) како и друштвеното танго кое се танцува на милонги и се вика “танго салон“ (танго за игранки). Многу е едноставно и логично. Сепак, со текот на времето настанува забуна околу стиловите.

 До скоро речиси без исклучок се предаваше само сценско танго. Го предаваа професионални танчари кои слободното време помеѓу изведбите го користеа за да даваат часови. Подоцна, во 1990-те се случи експанзија на тангото и луѓето во Аргентина започнаа повторно да ги откриваат милонгите – за жал, до тогаш можноста да се учи танго на традиционален начин беше речиси целосно исчезната. Друштвеното танго беше западнато во состојба на хибернација и во претходните 35 години тангото постоеше најчесто во облик на пренагласени улични перфоманси и сценски спектакли наменети за туристи. Стариот начин на постепено и спонтано учење на танцот беше речиси замрен. Едноставно немаше останато доволно луѓе кои би ја продолжиле традицијата на играње танго на маалските улици, танцување во клубови и вежбање во домашни услови со членовите на семејството. Од овие причини, се појавија поединци кои решија да пробаат нешто ново и започнаа да даваат часови по друштвено танго за танцување на милонги.

Нивните часови се засноваа на учење како да се реагира на каденциите во музиката и да се постигне блиска поврзаност со партнерот и мазно и непречено движење на преполн подиум. Ваквите теми ја начнуваа само површината на танцот, но затоа пак, солидно ги покриваа основните техники. Поради фактот што овие часови беа многу различни од драматичните фигури и сложени кореографии кои ги предаваа изведувачите, новите учители бараа начин за да направат јасна дистинкција меѓу нивното друштвено танго и часовите кои веќе постоеја. Проблемот беше во тоа што голем дел од изведувачите веќе го користеа називот „танго салон“ за да ги рекламираат нивните часови - затоа некои од новите инструктори решија нивните часови да ги наречат „танго милонгеро“. Едноставно го заменија зборот „салон“ со „милонгеро“. „Танго салон“ значи танго за друштвено танцување во сала (што подразбира милонга), а „танго милонгеро“ подразбира танго кое се игра на милонга. Технички, и двата називи се однесуваат на истото. Но заради тоа што учителите за сценско танго веќе го имале присвоено терминот „танго салон“, новите учители морале да смислат поинакво име.

Веројатно со ова започнува конфузијата, но важно е да се запомне дека „танго милонгеро“ не е некој посебен стил на танго кој го играат само старите милонгероси.

Танго милонгеро = танго за милонга = танго салон

Танго милонгеро ≠ посебен тип на танго кој го играат старите милонгероси

Старите милонгероси не играат поразлично од другите танчери во Буенос Аирес кои практикуваат друштвено танго. Тие се едноставно оние што имаат најдолг танцувачки стаж. Ова значи дека можеби играат подобро од повеќето, но сепак го играат истото ритмично, слеано танго како и сите останати кои го знаат правилниот начин за танцување на милонга.

 Проблемот е во тоа што многумина по грешка претпоствуваат дека танго милонгеро се однесува само на старите милонгероси.

 (извор: Tango and chaos)

Приказната на тангото (1): Праисторија

танцот на имигрантите - андалузиско танго - африканска теорија - осамени мажи вежбаат танго - Куба и Шпанија, хабанера, милонга, кандомбе - величествениот момент да танцуваш со жена

Имигрантите во Аргентина веројатно со себе ги донеле и европските танци. Како и кога од нив почнало да еволуира тангото веројатно никогаш нема да дознаеме. Тоа е така затоа што тангото го создале луѓе кои по ништо не се интересни за историјата – сиромашните и обесправените. Често овој период на историјата мора да се потпре на забелешки што ги давале луѓе однадвор, оние кои за тангото знаеле многу малку или ништо.

Првото музичко дело кое себеси се опишува како танго е објавено во Аргентина во 1857 година. Се вика “Toma maté, ché”. Зборот танго во тоа време веројатно се однесувал на Андалузиско танго (tango andaluz), музички стил од област во Шпанија позната како дом на фламенкото.

Постојат повеќе теории за настанокот на зборот танго. Најпопуларна е онаа дека тој настанал во заедница на доселеници од Африка,

Возбудена хабанера

теоретски вовед за сфаќање на милонгата како музичка форма - врските на милонгата со хабанерата и кандомбето -  [1] 2 3 [4] [5] 6 [7] 8 - секоја шеста танда се милонги

ПОТЕКЛО И НАСТАНУВАЊЕ - Оригинално милонгата настанала во областа Рио дел плата во Аргентина и Уругвај. Нејзината популарност започнува во 1870-тите години, далеку пред да настане тангото (почетоците на тангото се во 1890-тите години) и е поврзана со музичката форма пажада (payada). Оваа музика, за која некои велат дека всушност е „возбудена хабанера“, има 2/4 живо темпо.

Многу истражувачи сметаат дека милонгата како музичка форма е тесно поврзана со кандомбе, танцот на црните робови во Јужна Америка.

Оригиналната хабанера е поделена во четири удари, стандардно во две четрвртинки каде што секој удар е изразен. Кога хабанерата се трансформирала во милонга темпото се удвоило, а силата на првиот удар ја намалила силата на четвртиот - што направило милонгата да зазвучи речиси како валс: еден-два-три(четири), еден-два-три(четири).

СПЕЦИФИКИ - Милонгата има синкопиран ритам од 8 удари со акцент на 1., (понекогаш и на 2.), 4., 5. и на 7. удар.

- регуларна две-четвртинска музика (2/4)
[1] 2 3 4 [5] 6 7 8

- милонга
[1] 2 3 [4] [5] 6 [7] 8, понекогаш и [1] [2] 3 [4] [5] 6 [7] 8

- 332
[1] 2 3 [4] 5 6 [7] 8

Интересно е дека легендарниот Франциско Канаро, композитор и лидер на оркестар, експериментирал со формата која самиот ја измислил - милонгон, но таа никогаш не била пошироко прифатена во танго заедницата.


ТАНЦОТ - Со текот на времето оваа музика се поврзала и со други музички форми, пред се преземајќи елементи од тангото.

Денес милонгата како музичка форма е присутна на секоја милонга (игранка). Вообичаеното правило е дека секоја шеста танда (група од песни) се милонги. Тандите составени од милонги речиси по правило содржат три песни, бидејќи повеќе од тоа би ги изморило танчерите, имајќи предвид дека станува збор за жива музика која бара поголем напор од танчерите.

извори:

• Milonga (Wikipedia)
• Candombe (Wikipedia)

7 совети за мажи

1. Танцувај за неа – мажот танцува за жената, а не обратно. Сè што правиш на милонгите – го правиш за нејзино задоволство. Твојата награда е нејзиното задоволство; нејзината насмевка; нејзиното исчекување да танцува со тебе. Es tango.

2. Прегратката е мерка – на нејзината прегратка гледајте како на мерка за твојот танц. Кога таа те прегрнува, ти дава нешто скапоцено, таа ти се дава себе си – и од тебе зависи што ќе одлучиш да направиш со тоа. Ако ја изневериш – ќе ја изгубиш нејзината доверба – и нејзината прегратка. Ако почувствуваш дека врската се прекинува, дека партнерката е нервозна, далечна, дека не се чувствува удобно во твоите раце – веројатно правиш нешто погрешно. Тоа е нејзиниот начин да ти каже дека танцуваш лошо, дека не танцуваш за неа.

Според моето искуство, има жени кои не можат да му се предадат на партнерот во танцот, кои не можат целосно да се поврзат со него. Мислам е дека тоа е така најмногу затоа што тие научиле да танцуваат само со „лоши“ партнери, и нивната прегратка обично е далечна и ладна. Тие танцуваат само со своето тело, но не и со срцето.

Tango Milonguero Skopje introduced its Android App

Tango Milonguero Skopje offers its tango lovers yet another learning tool – the Android App is a brilliant opportunity to bring the traditional tango culture to all addicts of the marvelous Argentinian dance. The entire content can be found in both Macedonian and English.

The app consists of 5 sections:

1. The “About us” section introduces the TMS school; there is a link to the classes timetable which is being regularly updated by connecting the app to this blog, and there is also a contact information subsection which allows you to dial mobiles directly from the app.

2. The “Manuals” is an amazing tool in the pocket of every milonguero or milonguera – it consists of tango terminology, a subsection with lyrics of songs in Spanish and English, códigos (rules of behavior at a milonga), as well as two texts giving cabeceo advice for women and explanation on tango styles of dancing which may confuse.

3. The “Events” section refers to milongas and festivals in Skopje as well as to some significant tango events in the region and beyond.

4. The “Multimedia” section gives links to ‘Milonguero radio’ (local radio show in Skopje), playlists with tango music, videos and photos.

5. In the final section you can find some links of importance to Tango Milonguero Skopje.

The app is free to download from the following link (via mobile with Android 3.0 or above)

Танго милонгеро Скопје ја објави својата Android Апликација

Танго милонгеро Скопје на љубителите на тангото им овозможи уште една алатка за учење - Android Апликацијата е одлична можност за приближување на традиционалната танго култура до сите зависници од прекрасниот аргентински танц. Сите содржини на апликацијата се на македонски и на англиски јазик.

Нашата апликација се состои од пет делови:

1. Во делот „За нас“ е претставена школата на ТМС, поставен е линк до распоредот на часови кој преку поврзување на апликацијата со блогов редовно се ажурира, а поставен е и дел со контакт информации - со можност да се врти на мобилниот телефон директно од апликацијата.

2. Прирачникот е извонредна алатка во џебот на секој милонгеро или милонгера - се состои од танго речник, дел со текстови од танго песни на шпански и на англиски, codigos (правила на однесување на милонга), како и два текста каде што се дадени совети за кабасео за жени и објаснување на забуната околу танго стиловите

3. Делот со настани се однесува на милонги и фестивали во Скопје, како и поважните танго настани во регионот и пошироко

4. Во мултимедијалниот дел се дадени линкови до Милонгеро радио, танго плејлисти со музика, видеа и фотографии

5. Во последниот дел може да се најдат поважните линкови поврзани со Танго милонгеро Скопје

Апликацијата може бесплатно да се даунлодира на следниов линк (преку вашиот мобилен)

Android Апликација „Танго милонгеро Скопје“ (преку мобилен со Android 3.0 или понов)

Тангото и сцената

Качо Данте е еден од најискусните живи милонгероси

Пред 30 години, тангото не беше сценски настап. Немаше кореогафии, а жената не беше тука само да следи, тангото ѝ беше посветено на неа.

Откако во Аргентина на власт дојде диктатурата, многу милонгероси престанаа да танцуваат. Им здодеа да ги собира полицијата секој викенд за да провери дали имаат криминално досие. Некои милонгероси одеа во маалските клубови каде што мораа да танцуваат со своите соседи, роднини, сестри на пријатели - сето тоа под будното око на мајките. Беше многу здодевно. Во тоа време момците веќе ја имаа поминато фазата на фигурите. Веќе го имаа поминато филтерот: кога навистина не знаеја да танцуваат користеа 20 фигури; кога научија малку повеќе, користеа 10; кога сфатија што прават, почнаа да танцуваат со само 5 фигури.

Останатото го научија од оркестрите на тоа време: како да се движат на подиумот; како да го владеат ритамот. Тогаш секојдневно танцуваа на некои од најдобрите оркестри: Osvaldo Pugliese, Anibal Troilo, Juan D’Arienzo, Francisco Canaro, Alfredo Gobbi и сл.

Подоцна, сè се смени. Тангото се качи на сцена и беше претворено во кореографија. И стана танц на глувите. Подиумот денеска понекогаш наликува на воена зона. Жените дури и немаат можност да изберат партнер. Мажите ги грабаат од масите како да се овошје во супермаркет.

(…)

Тангото е чувство кое се танцува. Затоа не може да биде кореографија, иако може да има секвенци, исто како и сите чувства. Можеш да танцуваш љубов, бес, среќа, уживање, секое расположение. Тангото не е танц на покажување што знаеш, туку на интерпретирање што чувствуваш. Не е само движење на нозете и постура. Тангото е аргентинско, но им припаѓа на сите кои ги разбираат неговите чувства и неговите правила.

Момци, за да танцувате танго мора да го слушате срцето на жената.

(ноември 1998, од Качо Дантe милонгеро од Буенос Аирес) 
 текстот е преземен